Pas një operacioni prej plot 7 orësh policja Ina Nuka, e cila mbeti e plagosur pas shpërthimit të një kapsolleje në protestën e 22 nëntorit që u zhvillua para Kuvendit, raportohet të ketë dalë me sukses.
Ndërhyrja është bërë në një spital në Ankara të Turqisë, 24-vjeçarja ia doli me sukses. Ky fakt është bërë i ditur nga zëdhënësi i Policisë së Shtetit, Genti Mullai.
Ndërkohë që mediat raportojnë se policja ka humbur gishtin e madh të njërës dorë, duke shpëtuar 4 të tjerë.
I akuzuar për ngjarjen është Daniel Drobaj, i cili u bë pjesë e protestës së banorëve të Unazës së Madhe që protestuan kundër shembjes së banesave të tyre, dhe sot është i arrestuar.