Një ditë para ndarjes nga jeta të mjekut Ilirjan Daçi nga COVID, bashkëshortja e tij i lutej zotit që ta ndihmonte në kalimin e kësaj beteje të rëndë me të cilën ai po përballej.
“Një jetë e tërë plot mundime. Duke vrapuar për jetën e të tjerëve me nxitim. Sot të duhet të vraposh për jetën tënde me guxim. Vallë, a nuk është jeta në borxh me ty? O Zot, ti që na e jep dhe merr jetën. Mëshiroje robin tënd që nxitoi e nuk mundi të shijonte diellin tënd në lindje e perëndim, jepi o Zot një mundësi të dytë, të shoh dritën tënde përsëri në agim. Amin”, shkruan Parashqevei, bashkëshortja e mjekut të ndjerë.
