(VIDEO) Dua Lipa befason fansin 8-vjeçar, dëgjon i pari këngën e re

Këngëtarja e njohur me origjinë shqiptare, Dua Lipa ka arritur të surprizojë së fundmi një fans të vogël.

E ftuar në emisionin e mëngjesit në BBC Radio One, Dua zgjodhi që një djalë 8-vjeçar, i quajtur Sam, të dëgjonte për herë të parë këngën e saj më të re, me titull “Don’t Start Now”.

Mendoj se është absolutisht e shkëlqyer! Më pëlqen shumë! Unë mendoj se është më mirë se ‘Swan Song’”, është shprehur  Sam në transmetim të drejtpërdrejtë radiofonik, duke iu referuar këngës së publikuar në janar të këtij viti.

Tejet e qeshur për komentin e sinqertë të djaloshit 8-vjeçar, Dua Lipa u shpreh se ndjehej vërtetë e lumtur që projekti i saj më i fundit muzikor u dëgjua pikërisht nga ai.