Një ngjarje e rëndë ka ndodhur mbrëmjen e djeshme në Shkozet të Durrësit, ku një 25-vjeçar ka gjetur vdekjen.
Raportohet se aksidenti i rëndë ndodhi te ‘Ura e Dajlanit’, ku shpërndarësi i picave u përplas nga një autobus.
Mësohet se viktima sapo kishte filluar punë ditën e djeshme në një piceri në këtë zonë.
Nga videoja shihet qartë se si viktima është përplasur nga një autobus e më pas është hedhur në ajër nga një makinë që vjen me shpejtësi.
Informacioni i policisë:
Durrës. Informacion/ paraprak:
Më datë 26.10.2019, rreth orëns 20:10, në autostradën Tiranë- Durrës, në afërsi të një karburanti, në Shkozet, shtetasi P.T, duke drejtuar një mjet autobus tip “Skania” është përplasur me motorin tip “Dajang”, me drejtues shtetasin R. B, 25 vjeç, banues ne lagjen nr 15 Durrës i cili ka gjetur vdekjen.
Nga kqyrja e kamerave dhe veprimet paraprake rezulton se drejtuesi i motorit si pasojë e përplasjes nga autobusi është përplasur edhe me një mjet tjetër i cili e ka spostuar trupin e viktimës nga vendngjarja. Ndërsa motorri është gjetur në vendngjarje poshtë autobusit. Punohet për sqarimin e rrethaneve të ngjarjes.