VIDEO/ Presidenca ‘ngjyroset’ portokalli

Në Ditën Ndërkombëtare për Eliminimin e Dhunës ndaj Grave dhe Vajzave Institucioni i Presidencës i bashkohet fushatës botërore “Ta ngjyrosim botën portokalli” duke i dhënë sot këtij Institucionit këtë ngjyrë.

Kjo nismë e Presidencës vjen pasi përfaqësuesja e OKB-së në Shqipëri çeli fushatën kombëtare të 16 ditëve të aktivizimit kundër dhunës me bazë gjinore dhe dhunës në familje.

Në mëngjes në Facebook, Kreu i Shtetit dha një mesazh kundër dhunës ndaj grave dhe vajzave. Në Ditën Ndërkombëtare për Eliminimin e Dhunës ndaj Grave dhe Vajzave, Meta thotë se dhuna ndaj tyre nuk është burrëri, por dobësi. Për këtë arsye Presidenca i bashkohet fushatës botërore “Ta ngjyrosim botën portokalli”, ndërsa Meta deklaron i prerë se nuk do të amnistojë në fundvit asnjë të dënuar për dhunë në familje.

“Dhuna fizike e verbale ndaj grave dhe vajzave është dobësi! Nuk është burrëri! Është një plagë e shenjë turpi për shoqërinë, një pengesë e madhe për zhvillimin gjithëpërfshirës, të barabartë dhe të qëndrueshëm.

Në Ditën Ndërkombëtare për Eliminimin e Dhunës ndaj Grave dhe Vajzave i bashkohem fushatës botërore “Ta ngjyrosim botën portokalli” duke i dhënë sot në mbrëmje këtë ngjyrë Institucionit të Presidencës.

Përsëris qëndrimin tim të palëkundur për të mos amnistuar asnjë të dënuar për vepra penale të dhunës në familje”, shkruan Meta në rrjetin social.

Lër një koment