Video/ Temperaturat e larta, digjet autobusi në Rrugën e Kombit

Një autobus është përfshirë nga flakët në Rrugën e Kombit në orët e mbrëmjes së djeshme.

Autobusi po udhëtonte me pasagjerë në drejtim të Durrësit.

“Në bazë të informacioneve të siguruara në afërsi të tunelit të Kalimashit një autobus nga Kosova e ka kapluar zjarri. Fatmirësisht deri tani nuk ndonjë informacion për të lënduar.”-ka deklaruar zëdhënës i Policisë së Kosovës, Baki Kelani.

Lidhur me rastin, kompania e udhëtimit nga Mitrovica nëpërmjet një njoftimi bëri të ditur se autobusi ishte në gjendje të rregullt, por flakët e kanë kapluar nga temperaturat e larta.

Kompania gjithashtu njoftoi se përveç dëmeve materiale nuk ka asnjë të lënduar.