Babë e bir u arrestuan nga Policia e Lezhës pasi rezultojnë të jenë autorë të një sërë vjedhjes të kryera në kohë të ndryshme të disa banesave.
Bardhok Miza 42 vjeç dhe djali i tij i mitur 17-vjeçari E.Miza, me banim në Kurbin, u kapën në flagrancë nga uniformat blu teksa tentonin të vidhnin një vilë, në momentin kur po nxirrnin materialet e vjedhura për t’i transportuar.
Policia thotë se në vilë nuk ndodhej asnjë person, ndërsa banesa është në pronësi të personit me iniciale N.K. në Ishull Shëngjin në Lezhë. Babë e bir kishin vjedhur pajisjet shtëpiake (frigorife, tavolinë, karrike, lavatriçe, dhe disa vegla pune dhe pajisje të tjera shtëpiake) dhe u arrestuan në momentin kur do t’i transportonin me makinë.
Gjithashtu, të arrestuarit, janë dokumentuar me prova ligjore si autorë të dyshuar edhe të vjedhjeve të ndodhura më parë:
Më datë 27.09.2018, dyshohet të kenë vjedhur me thyerje marketin në pronësi të shtetasit E.L. , në Shënkoll – Lezhë.
Më datë 09.10.2018, dyshohet të kenë vjedhur dyqanin e elektroshtëpiakëve në pronësi të shtetasit M.Xh. në Lezhë.
