fbpx

“Vjedhje perfekte”, hajdutët grabisin shtëpinë e trajnerit të Romës

chi-e-paulo-fonseca-e1559567215840.jpg

Shtëpia e trajnerit të Romës, Paulo Fonseca, është vjedhur mbrëmjen e djeshme nga hajdutët. Mësohet se ngjarja ka ndodhur në një moment kur portugezi ndodhej në qëndrën stërvitore “Trigoria”, ku po zhvillonte seancën e fundit stërvitore me ekipin përpara duelit me Fiorentinën.

Shtëpia ka qenë e boshatisur, pasi bashkëshortja dhe djali i Fonsecës kanë qenë në qendër të Romës për shopping. Sipas raportimit të “Calciomercato.com”, autorët kishin planifikuar gjithçka me shumë kujdes, pasi ngjarja u rindërtua nga hetuesit e rajonit Monteverde, zona ku jeton tekniku romak.

Deri më tani policia ende nuk ka arritur të sigurojë asnjë gjurmë gishtërinjsh, çka e bën edhe më të vështirë kapjen e autorëve. Mësohet se ata kanë arritur të grabitin disa ora dhe sende të tjera me vlerë, ku dëmi total llogaritet deri në 100,000 euro.

Advertisement
REKLAMO NE REALNEWS +355 69 33 33 303