Vokshi i përvishet Hysenit: Falja jote, e papranueshme

PD-VOKSHI-697x450.png

Deputetja e PD-së, Albana Vokshi ka reaguar ashpër ndaj deputetit socialist, Alket Hyseni, i cili e cilësoi ish-kryeministrin, Sali Berisha si ‘autik’ dhe ‘matuf’.

Vokshi teksa kritikon Hysenin, shkruan se ai ka përçmuar personat me aftësi ndryshe, me gjuhën e tij raciste dhe diskriminuese.

Deputetja demokrate e cilëson të papranueshme ndjesën e Hysenit dhe teksa i drejtohet kryeministrit Edi Rama  dhe grave të PS-së, shkruan se heshtja e tyre është e papranueshme.

Vokshi i bën apel edhe kreut të Kuvendit, Gramoz Ruçi, të zbatojë nenin 6 të Kodit të Etikës, që ta ndalojë diskriminimin e mëtejshëm te personave me aftësi ndryshe.

Deputeti i Ramës Alket Hyseni, në një status në rrjetet sociale, ka përdorur një gjuhë raciste, diskriminuese dhe të papranueshme ndaj personave me aftësi ndryshe duke i përdorur ata si standart përcmimi, sharje e urrejtje.

Ndjesa e mëvonshme e pandjerë deputetit Hyseni është e pamjaftueshme. Heshtja e Ramës dhe e grave deputete te PS ndaj gjuhës së pushtetit që nxit urrejtje e dhunë, është e papranueshme.

Gjuha e tij raciste duhet të dënohet hapur dhe prerë nga të gjithë ata që cmojnë dhe respektojnë të drejtat e njeriut. Organizmat ndërkombëtare duhet të reagojnë.

Kryetari i Kuvendit të zbatojë menjëherë nenin 6, të Kodit të Etikës, që ndalon deputetin të përdorë një gjuhë të shprehuri, që nxit urrejtjen dhe diskriminimin ndaj personave me aftësi ndryshe.

Kërkoj nga institucionet kundër diskriminimit dhe mbrojtjes së të Drejtave të Njeriut të reagojnë sipas dispozitave ligjore.

Advertisement
REKLAMO NE REALNEWS +355 69 33 33 303