fbpx

Vrasja e Kashoggit, prokurori saudit vijon takimet me homologun turk

jkhashoggi-file-2.jpg

Prokurori publik i Arabisë Saudite zhvilloi të martën një raund të dytë bisedimesh me zyrtarët turq dhe vizitoi konsullatën saudite në Stamboll, ku gazetari Jamal Khashoggi u vra katër javë më parë.

Disa ditë pas deklaratës se vrasja e gazetarit ishte e paramenduar, prokurori Saud Al Mojeb mbërriti në Stamboll të dielën mbrëma dhe ditën e hënë ai u takua me kryeprokurorin e Stambollit.

Sipas mediave turke, ditën e sotme, prokurori saudit zhvilloi një takim të dytë me prokurorin turk përpara se të shkonte në konsullatën saudite.

Ndërkohë, presidenti turk Rexhep Tayip Erdogan i tha gazetarëve ditën e sotme se prokurori turk i ka kërkuar homologut të tij saudit të tregojë se kush e dërgoi grupin prej 15 vetash në Turqi, persona të dyshuar si të përfshirë në vrasjen e gazetarit.

Erdogan gjithashtu shtoi se prokurori turk ka kërkuar gjykimin e 18 të dyshuarve në Turqi.

Jamal Khashoggi, një gazetar i Washington Post dhe kritik i sunduesit de fakto të Arabisë Saudite, Princit të Kurorës Mohammed bin Salman, u vra brenda konsullatës saudite në Stamboll.

Advertisement
REKLAMO NE REALNEWS +355 69 33 33 303

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *