fbpx

Vrau partnerin e tij, gjykata gjermane burgos përjetësisht kanibalin 42-vjeçar

2-2.jpg

Një gjykatë gjermane ka dënuar një ish-mësues me burgim të përjetshëm për vrasjen e një burri që takoi në një faqe interneti takimesh. BBC shkruan se gjykatësi në Berlin tha se Stefan R, 42 vjeç, kishte vrarë inxhinierin elektrik për të shfaqur fantazitë e tij të kanibalizmit.

Ish-mësuesi u arrestua në nëntor 2020 kur disa prej eshtrave të viktimës u gjetën nga njerëz që shëtisnin në një park në Berlinin verior. Nëna e viktimës 43-vjeçar e kishte denoncuar si të zhdukur javë më parë. Dy burrat kishin vendosur të takoheshin për marrëdhënie seksuale në apartamentin e Stefan R në lagjen Pankow, ku vrasësi jepte mësime matematike në një shkollë private.

Hetuesit thanë se viktima e tij kishte vdekur disa orë pasi u takuan dhe gjetën një sharrë kockash dhe një thikë kasapi në kontrollin e banesës së tij. Gjatë gjyqit, Stefan R i tha gjykatës se e kishte gjetur burrin të vdekur në dhomën e tij të ndenjjes, mëngjesin pasi kishin bërë seks dhe në panik vendosi të hidhte trupin e tij.

Advertisement
REKLAMO NE REALNEWS +355 69 33 33 303