Zbulohet data, ja kur do vendosë Gjermania për fatin e Shqipërisë

Gjermania do të votojë për çeljen e negociatave të Shqipërisë me BE-në në datën 26 shtator.

Propozimi për caktimin e kësaj date për të diskutuar për Shqipërinë u bë nga dy grupet më të mëdha parlamentare CDU dhe SPD.

Kujtojmë që vetë kancelarja e Gjermanisë Angela Merkel bëri me dije pas takimit të fundit me kryeministrin Rama se vendi i saj do të vendosë në fund të këtij muaji për nisjen e bisedimeve të Shqipërisë për anëtarësim në BE.

Dje, kryetari i Këshillit Evropian Donald Tusk theksoi se Shqipëria e meriton të nisë negociatat për të hyrë në tregun e përbashkët Evropian.