Zgjedhjet e qershorit, tre kushtet e Bashës

Lideri opozitar, Lulzim Basha ka marrë disa vendime pas mbledhjes me kryesinë e Partisë Demokratike.

Në lidhje me regjistrimin e PD-së në zgjedhjet lokale të 30 qershorit, Basha ka shprehur 3 kushte ose kërkesa kryesore.

“Partia Demokratike e Shqipërisë të regjistrohet në zgjedhje vetëm pasi të jenë krijuar kushtet për zgjedhje të lira dhe të ndershme. Situata aktuale politike në Shqipërisë, nuk mundëson standardet demokratike për zgjedhje të lira dhe të ndershme. Është provuar se Qeveria e Edi Ramës ka bashkëpunuar me krimin e organizuar për blerjen e votave.

Partia Demokratike e Shqipërisë të mos lejojë mbajtjen e zgjedhjeve fasadë, që shkatërrojnë demokracinë dhe vullnetin e qytetarëve shqiptarë.

Të mandatojë Kryetarin e Partisë dhe Sekretarin e Përgjithshëm për të negociuar me partitë politike të opozitës marrëveshjen për garantimin e zgjedhjeve të lira dhe të ndershme, mbrojtjen e interesit publik dhe formalizimin e aksionin opozitar për arritjen e këtyre qëllimeve”, janë 3 kushtet e Bashës. /real-news.tv