Kancelarja gjermane Angela Merkel u përball me një realitet të hidhur politik ditën e hënë pasi partitë e koalicionit të saj pësuan humbje të thellë në zgjedhjet rajonale.
Rezultatet paraprake treguan se të dyja partitë e koalicionit qeverisës të kancelares gjermane kanë pësuar humbje të thellë në zgjedhjet e mbajtura në rajonin e Hessen.
Rezultatet treguan që të dyja partitë, më parë dominante, u goditën me një humbje rreth 11 pikë përqindjeje në Hessen, krahasuar me zgjedhjet e fundit në vitin 2013, edhe pse CDU ende pretendon vendin e parë me 27 përqind të votave.
Liderja e socialdemokratëve (SPD) Andrea Nahles tha se performanca e dobët e qeverisë “kontribuoi ndjeshëm” në rezultatin zhgënjyes.
Ajo u tha gazetarëve se kjo gjendje e qeverisë është “e papranueshme”.
“Qeveria federale duhet të gjejë një ‘mënyrë të arsyeshme pune’, pas asaj që duket të jetë rezultati më i keq i SPD-së në rajonin perëndimor që nga viti 1946.
CDU duhet të pajtohet me një ‘udhërrëfyes të qartë dhe bindës’ përpara një shqyrtimi të planifikuar të koalicionit vitin e ardhshëm. Vetëm atëherë do të jemi në gjendje të vendosim nëse kjo qeveri është ende vendi i duhur për ne”, tha ajo.
Zgjedhjet në Hesse vijnë vetëm disa javë pasi partia simotër e Merkel në Bavari pësoi humbje të thellë në një votim parlamentar.