fbpx

Zgjedhjet, SHBA i jep goditjen ‘përfundimtare’ Monikës dhe Bashës

Ambasada-e-SHBA.jpg

Amabsada e SHBA në Tiranë ka reaguar lidhur me zgjedhjet, që do të zhvillohen këtë të diel. Ambasada e SHBA iu bën thirrje krerëve të politikës, zyrtarëve të qeverisë dhe agjencive të sigurisë që të sigurohen që zgjedhjet e 30 qershorit të zhvillohen në mënyrë të qetë dhe transparente.

Nëpërmjet një postimi në rrjetet sociale i ka bërë thirrje udhëheqësve politikë që të sigurohen se zgjedhjet e 30 Qershorit të zhvillohen të qeta dhe transparente.

SHBA i rikthehet sërish Reformës në Drejtësi, teksa shprehet se “pas zgjedhejve të  së dielës udhëheqësit politikë duhet të rikthejnë vëmendjen e tyre në forcimin e institucioneve demokratike shqiptare dhe zbatimin e ligjit, përfshirë edhe ecjen përpara me ngritjen e një Gjykate Kushtetuese të drejtuar nga gjykatës të cilët e kanë kaluar vetingun”.

Mesazhi i plotë i SHBA

Shtetet e Bashkuara të Amerikës i bëjnë thirrje të gjithë udhëheqësve politikë, zyrtarëve të qeverisë, agjencive të sigurisë dhe qytetarëve shqiptarë që të sigurohen që zgjedhjet e 30 qershorit të zhvillohen në mënyrë të qetë dhe transparente. Ne nxisim udhëheqësit politikë të refuzojnë çdo dhe të gjitha llojet e dhunës, apo çdo përpjekje për të penguar procesin zgjedhor apo edhe të drejtën e çdo qytetari për të votuar. Dhuna nuk është një mënyrë legjitime e të shprehurit politik. Ata që përfshihen në akte dhune duhen hetuar me të gjithë fuqinë e ligjit.
Shtetet e Bashkuara do të kenë ekipe vëzhguesish në qendrat e votimit dhe qendrat e numërimit në mbarë Shqipërinë. Ne do të mbështetemi në raportin e OSBE/ODIHR-it për të vlerësuar rregullsinë e votimit.
Ne nxisim udhëheqësit politikë që, pas zgjedhjeve të së dielës, të rikthejnë vëmendjen e tyre në forcimin e institucioneve demokratike shqiptare dhe zbatimin e ligjit, përfshirë edhe ecjen përpara me ngritjen e një Gjykate Kushtetuese të drejtuar nga gjykatës të cilët e kanë kaluar vetingun. Miratimi i reformave zgjedhore dhe zbatimi i reformës në drejtësi janë thelbësore për aspiratat europiane të Shqipërisë dhe për ngritjen e demokracisë së fortë që i shërben të gjithë shqiptarëve”,-shkruhet në reagimin e ambasdadës amerikane.

/real-news.tv/

 

 

Advertisement
REKLAMO NE REALNEWS +355 69 33 33 303