Të paktën 14 persona kanë humbur jetën pas përmbytjes së një autobusi në një lumë në Kinë ndërkohë 15 viktima janë regjistruar në veri. Ngjarja ndodhi në provincën Shanxi ditën e hënë, pasi reshjet e dendura shkaktuan vërshime në dy provinca afër kryeqytetit Pekin.
Sipas mediave të vendit, 37 persona kanë arritur të shpëtojnë nga autobusi dhe 7 prej tyre janë dërguar për mjekim të specializuar në spital. Më shumë se 120.00 persona janë evakuuar në këtë provincë, pasi mijëra shtëpi janë shkatërruar dhe 190.000 hektarë me të mbjella janë dëmtuar.
