Nesër do të thirret në Prokurori, Ardian Dvorani për tu marrë në pyetje pas padisë nga presidenti Ilir Meta.
Sipas informacioneve bëhet me dije se prokurori Alket Mersini i ka dërguar ftesë Dvoranit që të jetë i pranishëm në Prokurori në orën 10:00.
Dvorani do të merret në pyetje në lidhje me akuzat që i i janë bërë nga Presidenti Ilir Meta.
Presidenti Ilir Meta dha sot dëshminë e tij në Prokurorinë e Tiranës për afro 50 minuta, i shoqëruar nga këshilltari ligjor Bledar Dervishi dhe zëdhënësi i tij Tedi Blushi. Sipas Kreut të Shtetit rasti është tmerrësisht flagrant. Ai theksoi se shpreson që Prokuroria të mos jetë nën presione politike dhe të bëjë punën e saj me profesionalizëm.
