Kryetari i Partisë Demokratike Lulzim Basha ka reaguar me shpejtësi për deklarataët që bëri pak më parë Kryeministri Edi Rama ndaj Bashkimit Europian për mos hapjen e Konferencës së Parë Ndërqeveritare për Shqipërinë dhe Maqedoninë e Veriut.
Basha ka deklaruar se ishte një kohë kur zyrtarë të BE-së si Reinhard Priebe flisnin për shkeljet e “autokratëve” të Ballkanit, kryeministrat dhe kolegët e tyre dridheshin nga frika.
Më tej kryedemokrati vazhdon duke thënë se tani autokratët e korruptuar të ballkanit kanë guximin dhe fajësojnë mungesën e përparimit të BE-së në vend të minimit që ata po i bëjnë demokracisë dhe sundimit të ligjit.
“Ishte një kohë kur zyrtarët e BE-së si Reinhard Priebe flisnin për shkeljet e autokratëve të Ballkanit mbi Demokracinë dhe Sundimin e Ligjit dhe Kryeministrat e Ballkanit dhe kolegët e tyre dridheshin nga frika, reflektonin ose u votuan. Duket se tavolinat janë kthyer. Autokratët e korruptuar të Ballkanit kanë guximin të hedhin fajin për mungesën e përparimit në BE, në vend të goditjeve të tyre të tmerrshme ndaj demokracisë dhe sundimit të ligjit” – shkruan Basha.
