Ditën e nesërme do të mbahet Kuvendi Kombëtar i PD i thirrur nga Lulzim Basha. Në këtë kuadër, Policia e Shtetit do të jetë në gatishmëri për çdo situatë që mund të ndodhë në Partinë Demokratike. Strukturat e rendit, në rang qendror dhe lokal janë porositur të tregohen vigjilente dhe në gatishmëri për çdo situatë të mundshme. Ashtu sikurse në Kuvendin e 11 dhjetorit, policia deri më tani nuk ka indicie për ndonjë situatë që mund të cënojë rendin dhe sigurinë, megjithatë, prezenca e efektivëve do të jetë në distancë dhe në gatishmëri.
Ish-kryeministri Sali Berisha dhe Komisioni i Rithemelimit të PD-së, ditën e nesërme, do të zhvillojnë referendumin për shkarkimin ose jo të kryedemokratit Lulzim Basha nga posti.
