Shumë qytetarë kanë dalë në protestë sot për 50 fëmijët shqiptarë që ndodhen ende në kampet e Sirisë.
Këshilltarit i Kryetarit të KMSH-së, Ylli Gurra ka kërkuar që qeveria të ndërhyjë e të bëjë çmos që fëmijët të kthehen në shtëpitë e tyre.
“Çdo qeveri e çdo vendi ka përgjegjësi për qytetarët e vet. I lutem zotit që të gjithë këta familjarë, vëllezër dhe motra që kanë mbetur në Siri, të kthehen në shtëpitë e tyre.
Koha dhe dita e riatdhesimit të këtyre fëmijëve të jetë sa më e shkurtër. Që të shpëtojnë jetën e këtyre fëmijëve, pa hyrë në analizë për ekstremizmin. Thirrja e vetme është që të shpëtojmë fëmijët dhe qytetarët që kanë mbetur në kampin “Al Haëal”.
Çdo kohë që kalon është humbja e fëmijëve tanë në Siri. Edhe ky do të jetë turpi më i madh i shqiptarëve”, deklaroi Gurra.
Ndërsa qytetarë të shumtë i kanë bërë thirrje qeverisë që fëmijët e mbetur në Siri të kthehen në shtëpitë e tyre.
“Të harruar në Siri, kthejini fëmijët tanë në shtëpi”, thuhet në posterin kryesor që mbajnë në duar protestuesit.