Është bllokuar sërish aksi Torovicë-Lezhë nga shkëputja e gurëve nga mali i Torovicës.
Fatmirësisht nuk ka pasur persona të lënduar nga rënia e gurëve.
Policia dhe autoritetet lokale janë nisur drejt zonës, që konsiderohet si tejet problematike nga rënia e shkëmbinjve.
Dy shkëmbinj u shkëputën mëngjesin e djeshëm në Torovicë, duke rënë vetëm 1 metër larg banesës së familjes Përlleshi.
Kujtojmë se një vit më parë tre persona humbën jetën pasi masivi shkëmbor i shkëputur zuri poshtë automjetin i cili po lëvizte në këtë aks rrugor.
