Këtë të hënë, 1 dhjetor, ish-kryeministri Sali Berisha u paraqit në ambientet e Prokurorisë së Posaçme për të zbatuar masën e sigurisë “detyrim paraqitje”, lidhur me dosjen “Partizani”.
Kreu i të djathtëve shkoi në Strukturën e Posaçme ku dhe i la një shënim Altin Dumanit.
Ashtu si dhe zakoni e do tanimë, pasi në çdo paraqitje të tij në Prokurori, Berisha i lë një shënim Dumanit edhe kësaj here ai e ka akuzuar atë për lidhjet me grupet kriminale si dhe për mbrojtjen që sipas liderit të së djathtëve po i bën gjyqtares Irena Gjoka.
“Siç është zakon, ky është shënimi që lashë në zyrën e Skapit të partisë:
“Për Pojën e Spakut, Altin Troplini, armikut të egër të pluralizmit politik, gjobëvënësit ordiner të Skapit të partisë, amnistuesit të krimit monstruoz elektoral, avokatit mjeran të Irena Gjokës me 5 mbiemra. Ligji do të thotë fjalën e tij. Sali Berisha” , tha Berisha.
