Ky është momenti kur trupi i pajetë i ish-efektivit, i cili u gjet i djegur brenda makinës në Qafën e Llogarasë nxirret nga automjeti.
Sipas burimeve paraprake, brenda automjetit nuk janë gjetur armë apo gëzhoja, ndërsa pista që po hetohet më intensivisht është ajo e vetëvrasjes.
Dyshohet se viktima, me origjinë nga Berati, ka kryer aktin ekstrem në kushtet e një gjendjeje depresive.
Hetimet paraprake tregojnë se automjeti është spërkatur me benzinë dhe se personi është futur brenda tij, duke u djegur nga flakët.
Verifikimi i kamerave të sigurisë së bizneseve përreth ka treguar se viktima ka qenë i vetëm në momentin kur ka hyrë në zonën e Llogarasë.
Policia vijon hetimet për zbardhjen e plotë të rrethanave të ngjarjes, ndërsa pritet një konfirmim zyrtar mbi shkakun e vdekjes.
