Të paktë ishin qytetarët që iu bashkuan protestës së thirrur nga Sali Berisha, ndërsa nuk kanë munguar pankartat në duart e tyre.
Opozitarët kërkojnë zgjedhje të lira dhe të ndershme, kërkojnë një komb me vetëm dy gjini, duke kundërshtuar projektligjin e barazisë gjinore ndërsa nuk kanë munduar akuzat ndaj kryeministrit Edi Rama.
“Zotin e përmendim shpesh sepse shqiptarët janë besimtarë, nuk ka rëndësi feja. Familja dhe zoti janë dy nga shtyllat kryesore të PD, por komunistët nuk kanë zot dhe prandaj duan ligjin e barazisë gjinore.”-tha një qytetare.
Ndërsa në disa nga pankartat në duart e protestuesve shkruhej: “Një komb, dy gjini”, “Ramaduro, Noriega i Europës”, “Pa zgjedhje të lira nuk ka zgjidhje”, shkruhej në një tjetër.
