Gent Gazheli ka dhënë dorëheqjen nga posti i Drejtorit të Përgjithshëm të Doganave. Sipas burimeve, ai pritet të emërohet zv.ministër i Mjedisit në ditët në vijim.
Në krye të Drejtorisë së Përgjithshme të Doganave pritet të emërohet Besmir Beja, i cili deri më tani mbante detyrën e Sekretarit të Përgjithshëm në Ministrinë e Financave.
Lëvizja vjen në kuadër të ndryshimeve të fundit në administratën shtetërore, ndërsa ende nuk ka një reagim zyrtar nga institucionet përkatëse lidhur me këto emërime.
