Parlamenti miratoi me 77 vota të mazhorancës projektligjin për Buxhetin e vitit 2019.
Gjithashtu në parlament u miratua me 77 vota pro dhe dekreti i Presidentit ilir Meta për emërimin e Sandër Lleshajt për ministër të Brendshëm.
Gjashtë ditë më parë Meta dekretoi Lleshajn si ministër të Brendshëm pasi e refuzoi herën e parë
Po ashtu, Me 77 vota pro është miratuar sot në Parlament propozimi për Fatmir Xhafajn në postin e anëtarit të Komisionit të Ligjeve.
Fatmir Xhafaj u dorëhoq nga posti i ministrit të Brendshëm për arsye personale, ndërsa pas përplasjes së qeverisë me presidencën, u arrit edhe zëvendësimi i tij me Sandër Lleshajn.
Më parë Xhafaj ka mbajtur postin e kreut të Komisionit të Ligjeve gjatë periudhës së Reformës në Drejtësi.
