Kryeministri Edi Rama ndodhet në Paris me ftesë të presidenti francez Emmanuel Macron për të marrë pjesë në Forumin e Paqes.
Rama ka qenë pjesë e panelit të bashkëbiseduesve me temë “Diplomacia në një botë të ndarë: Lidershipi rajonal dhe e ardhmja e multilateralizmit” e drejtuar nga Gilles Gressani, drejtor i “Le Grand Continent”.
Ky forum është një mundësi për të diskutuar mbi sfidat dhe mundësitë e diplomacisë në kohët e sotme, ku bashkëpunimi ndërkombëtar është më i rëndësishëm se kurrë.
Forumi i Paqes në Paris synon të riformësojë diplomacinë në një botë në ndryshim nga ndryshimet gjeopolitike, teknologjia dhe ndryshimet klimatike. Si një platformë për të krijuar, formësuar dhe ndarë përgjigje shumë-aktorëshe forumi bashkon qeveritë, shoqërinë civile, bizneset dhe organizatat ndërkombëtare për të punuar drejt paqes globale dhe prosperitetit të qëndrueshëm.
