Jo vetëm tek Napoli, koronavirusi ka goditur edhe Juventusin. Me anë të një postimi në Twitter, kampionët e Italisë kanë njoftuar se në mesin e tyre janë dy raste me COVID-19.
Nuk bëhet fjalë për futbollistë, as për pjesëtarë të stafit teknik të trajnerit Pirlo apo atij mjekësor. Të dy të infektuarit kanë nisur menjëherë karantinën.
Juventusi do të luajë nesër në mbrëmje (20:45) kundër Napolit në Torino, sfidë e vlefshme për javën e tretë të Serie A. Dy lojtarë të ekipit rival kanë rezultuar pozitiv, Piotr Zielinski dhe Eljif Elmas.
