Policia e Shkodrës ka finalizuar operacionin e koduar “Neonët 3”, duke zbuluar një tjetër ambient të përshtatur për kultivimin e kanabisit me llamba, duke e çuar në gjashtë numrin e ambienteve të goditura në kuadër të kësaj operacioni.
Gjatë aksionit u arrestuan në flagrancë 3 shtetas:
P. N., 27 vjeç, banues në Torovicë S. Gj., 24 vjeç, banues në Mjedë A. B., 58 vjeç, banues në Shkodër
Ndërsa u shpall në kërkim një 33-vjeçar, K. P., banues në Shkodër.
Po ashtu u ndaluan 2 punonjës të OSHEE-së, G. A., 63 vjeç, dhe B. C., 33 vjeç, ndërsa 5 të tjerë u proceduan penalisht për “Shpërdorim detyre” kryer në bashkëpunim.
Sekuestrimet
Nga kontrolli në një magazinë në lagjen “Mark Lula”, e përshtatur për kultivim dhe tharje të kanabisit, Policia sekuestroi:
119 bimë kanabisi 2 kg e 170 gr kanabis i tharë 284 pajisje elektrike për kultivim 7 celularë
Në banesën e shtetasit të shpallur në kërkim, K. P., u gjetën dhe u sekuestruan:
1 armë zjarri pistoletë dhe municion luftarak Dokumente italiane dhe targa angleze të dyshuara të falsifikuara Bizhuteri (3 byzylykë, 1 unazë) dhe një orë Rolex 1 DVR, një fenelinë policie, këllëf arme dhe rripa Një shumë parash në paund anglez
Policia vijon punën për kapjen e 33-vjeçarit K. P. dhe dokumentimin e plotë të aktivitetit kriminal.
Materialet i janë referuar Prokurorisë së Shkodrës për veprime të mëtejshme.
