Në 14 gushtin e vitit të kaluar (2018) policia italiane kreu disa arrestime në zonën e Corigliano-Rossano.
Arrestimet erdhën pas denoncimit të një gruaje shqiptare, e cila e akuzonte grupin për dhunim dhe përdhunim përgjatë 10 viteve.
Por pas një viti nga denoncimi Gjykata ka lënë të lirë 5 të arrestuarit.
“Gruaja u detyrua të prostituojë veten, t’i nënshtrohet marrëdhënieve seksuale në grup, si dhe praktikave të dhunshme seksuale. Asaj i kërkoheshin shuma të ndryshme parash, duke e kërcënuar me ndarjen e videove në rrjetet sociale”- shkruan media italiane.
Gruaja, për shkak të dhunës së vazhdueshme kishte përfunduar dy herë në një spital në Romë, duke u justifikuar tek familjarët e saj se kishte një sëmundje që shkaktonte shenja të dukshme në trup.
Sidoqoftë për gjykatën Italiane këto fakte nuk ishin të mjaftueshme për të mbajtur në burg të dyshuarit, duke i lënë ata të lirë.
