Pedagogu që u arrestua mbrëmë në Elbasan për favore seksuale ndaj studentes, Denis Himci rezulton të jetë vëllai i sekretarit të PD-së në Elbasan, Bledi Himci.
Ngjarja u pasqyrua mbrëmë në emisionin investigativ ‘Stop’, ku pedagogu Himci i kërkonte seks studentes për ta kaluar në provime
Njoftimi i policisë:
Specialistët për Hetimin e Krimit Ekonomik dhe Financiar në Drejtorinë Vendore të Policisë Elbasan, bënë ndalimin e shtetasit Denis Himci, 36 vjeç, pedagog pranë Universitetit “Aleksandër Xhuvani”, Elbasan, për veprat penale “Ushtrimi i ndikimit të paligjshëm ndaj personave që ushtrojnë funksione publike” dhe “Korrupsioni pasiv i personave që ushtrojnë funksione publike”.
Sipas Policisë, ndalimi i tij u bë pas transmetimit të pamjeve filmike në emisionin investigativ “Stop”, ku ky shtetas i kërkonte favore seksuale një studenteje në këmbim të dhënies së provimeve. Materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
