Mbrëmjen e djeshme u përhap një lajm i rremë në disa portale se në orën 23:30 vendi do të lëkundej nga një tërmet i fuqishëm.
Mirëpo, përveç mediave vendase, lajmi është pasqyruar edhe në ato ndërkombëtare.
‘Washington Post’ ka publikuar një artikull lidhur me’ fake news’-in, ku rrëfen panikun dhe terrorizimin e qytetarëve shqipatarë teksa braktisnin banesat e tyre me shpejtësi.
Një pjesë e shkrimit:
Policia shqiptare thotë se ka marrë në pyetje dy gazetarë me dyshimin se kanë provokuar panik duke raportuar se një tërmet i madh do të binte, pas një të tillë që la të plagosur 105 persona dhe dëmtoi qindra ndërtesa.
Njerëzit në kryeqytet, Tiranë, vrapuan jashtë mbrëmjen e së dielës, nga frika e raportimeve në internet të një tërmeti të mundshëm me madhësi 6 para mesnatës. Shumë parkuan makinat e tyre përgjatë autostradës dhe u shtrinë poshtë tyre; të tjerët shkuan në një stadium futbolli me valixhe të vogla ose u ulën jashtë në deri natën vonë.
Autoritetet nxituan të bëjnë thirrje për qetësi, duke thënë se raportimet ishin të rreme.
Tërmeti i së shtunës pasdites me madhësi 5.8 sipas Institutit të Gjeoshkencave, Energjisë, Ujit dhe Mjedisit në Shqipëri dhe 5.6 sipas Anketës Gjeologjike të SHBA-ve dhe Qendrës Sizmologjike Evropiane-Mesdhetare, dëmtoi rreth 915 ndërtesa. Shkollat u mbyllën të hënën.
