Policia arrestoi dy persona, të dyshuar si autorë të vjedhjes së 60.000 lekë ( të reja) një shtetasi.
Sipas policisë, të arrestuarit janë me precedentë të mëparshëm në fushën e vjedhjes.
Policia bëri të ditur arrestimin e shtetasve E.C. dhe P.D. banues në Lezhë për veprën penale ” Vjedhja’ kryer në bashkëpunim”
Këta dy shtetas, në bashkëpunim me njëri tjetrin, i kanë vjedhur shtetasit S.K. shumën monetare prej 60.000 lekë të reja të cilat i kishte lënë në çantë kur po luante me fëmijët në park.
Në cilësinë e provës materiale, dy shtetasve të arrestuar iu gjetën dhe sekuestruan një pjesë e shumës monetare të vjedhur.
Materialet procedurale ju referuan Prokurorisë së Rrethit Gjyqësor Lezhë për veprime të mëtejshme.
