Një person është vrarë pasditen e sotme në qytetin bregdetar në zonën e Plazhit të Vjetër. Viktima raportohet se është Stavri Mino 56 vjeç.
Mino është qëlluar me levë në kokë pas një sherri me grushte që degjeneroi më pas në përdorimin e mjeteve të forta dhe si pasojë e goditjeve që pësoi ka ndërruar jetë, transmeton Report Tv.
Nga pamjet e vendit të ngjarjes dallohet trupi i viktimës i shtrirë pranë kabinave te zona e Plazhit të Vjetër. Ndërsa policia po punon për sqarimin e rrethanave dhe arrestimin e autorëve.
