Pasditen e sotme ka nisur takimi i dytë për “Shengenin ballkanik”, mes kryeministrit Rama dhe dy homologëve të tij të Maqedonisë së Veriut dhe Serbisë, në Ohër.
Ky takimi trepalësh i liderëve të Ballkanit Perëndimor do të vijojë edhe gjatë ditës së dielën, ndërkohë që mësohet se e pranishme do të jetë dhe Majlinda Bregu, Sekretare e Përgjithshme e Këshillit të Bashkëpunimit Rajonal.
Presidenti i Maqedonisë së Veriut Stevo Pendarovski, u ka rezervuar liderëve të tre vendeve një darkë mbrëmjen e sotme. Sakaq, krijimin e një ‘Shengenit Ballkanik’ e ka mbështetur më herët edhe i dërguari i SHBA për Ballkanin Perëndimor, Matthew Palmer, i cili u shpreh se është një ide premtuese.