Një prej vatrave më problematike të covid-19 është në Krujë. Nga 14 rastet e reja sot, 7 i përkasin Krujës.
Ajo që vihet re është shtimi i rasteve në qytetin e vogël verior, duke shkruar në total 18. Ende nuk ka informacione zyrtare mbi seriozitetin e kësaj vatra dhe sa mund të rrezikojë gjithccka ajo.
Deri në këto momente janë testuar 5542 raste të dyshuara dhe prej tyre janë të konfirmuar pozitivë me COVID-19, 562 raste, pra rreth 10% e të gjithë të testuarve. Gjatë 24 orëve të fundit, 12 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 314. Ndërkohë që deri sot, 26 qytetarë e kanë humbur betejën me këtë semundje megjithë përpjekjet e stafit mjekësor.
