180 pasagjerë të cilët presin të fluturojnë drejt Italisë kanë mbetur të bllokuar në avion në Aeroportin “Nënë Tereza”.
Avioni Rinas-Venecia ka pësuar avari dhe prej afro 4 orësh, 180 pasagjerë kanë mbetur të bllokuar në avion.
Ata thonë se nuk i lejojnë të zbresin nga avioni ndërkohë që askush nuk i shpjegon se pse nuk bëhet nisja.
Pasagjerët frikësohen se edhe në rast se avioni do të rregullohet, ai mund të pësojë defekt gjatë fluturimit.
Nga ana tjetër agjencitë e udhëtimit i kanë paralajmëruar se nëse do të zbresin nga avioni nuk do u rimbursohet bileta.