Emisioni “Stop” ka publikuar sot një përmbledhje të gafave të politikanëve shqiptarë gjatë fushatës zgjedhore. I pari që ka bërë gabim në fushatës është Anduel Tahiraj, kandidat i PS në Vlorë, i cili ka ngatërruar datën e zgjedhjeve.
Po kështu edhe Erald Kaja në Kavajë, thotë se do të votohet në datën 6 dhe jo në 25 Prill kur është data e saktë e zgjedhjeve.
Ndërkohë Ded Ndreca i Lëvizjes Socialiste në Lezhë, pranon se ka fituar me hile dhe pa hile. Po ashtu Petrit Gjoni i LSI-së Lezhë, ka deklaruar se do të varrosë urrejtjen për Edi Ramën.
Janë këto disa nga gafat e politikanëve, gjatë këtyre ditëve të fushatës elektorale, kur kandidatët janë shpërndarë në bazë për të kërkuar vota. Por këto nuk janë të vetmet, pasi çdo ditë politikanët ngatërrohen gjate takimeve elektorale.
