Mark Marku dhe Carlo Bollino janë përplasur ashpër mbrëmjen e sotme. Teksa ishin të ftuar në “Open” për çështjen e patronazhistëve, Bollino tha se edhe PD-ja ka pasur, pasi ai vetë i ka publikuar me emra.
Nga ana tjetër, Marku tha se Bollino duhet t’i thërrasë mendjes sepse në thelb ka rëndësi integrimi i Shqipërisë në BE, që sipas tij ka mbetur pas pasi janë zbuluar vjedhje në zgjedhje.
Pjesë nga biseda:
Carlo Bollino: OSBE ODIHR ka harruar të tregojë se është publikuar edhe lista e patronazhistëve të PD. E kemi publikuar ne dhe shumë të tjerë.
Mark Marku: Problemi nuk qëndron se kemi apo jo patronazhist. Të dhënat e PS janë vjedhur nga e-albania. E ngatërron faktin me qëllimin. Nuk blihen 200 mijë votues, por diferenca që con tek mandati.
Carlo Bollino: Ju me këto përralla mendoni se ju dëgjojnë ndërkombëtarët me “Rama ik”. Këto janë përralla që ndërkombëtarët nuk i dëgjojnë fare. Është e ditur.
Mark Marku: Për shkak se u zbuluan vjedhje, Shqipëria nuk hyri në Europë.
Carlo Bollino: Iku kjo.
Mark Marku: Po na ikën dhe 10 vjet duke pritur. O Carlo thirri mendjes. Aq shumë të kanë zënë shërbimet ndaj Ramës sa thua na ikën. Je dhe gazetar italian o burrë.
