Pas vendimit për mbylljen e shkollave për 3 ditë për shkak të uljes së temperaturave, Ministrja e Arsimit Evis Kushi ka mohuar se ka problem me ngrohjen nëpër shkolla, ndërsa shtoi se mbyllja ka ardhur për shkak të ngrirjes së depozitave të ujit si dhe rrugës që duhet të përshkojnë fëmijët.
“Shkollat i mbyllëm se ngrinë depozitat dhe ishte problem rruga e fëmijëve për në shkollë. Pak shkolla kanë problem ngrohjen në vend”, ka thënë Kushi, e cila duke komentuar infektimet nga COVID-19 në arsim, tha se janë 1100 mësues dhe 1600 nxënës me Covid-19.
