Ministri i Drejtësisë Ulsi Manja në një deklaratë për mediat ka bërë me dije se do të shkrihet Agjencia Shtetërore e Kadastrës në Durrës. Sipas tij, bëhet fjalë për një koordinim perfekt të të gjithë administratës atje në shkelje të ligjit, duke filluar nga drejtori deri te çdo nëpunës.
“Në këto dosje mungonin totalisht dokumentacioni më i rëndësishëm që kërkon ligji. Pa akt evidentimi në terren, pa harta treguese dhe një sërë shkeljesh të tjera. Është një guxim i madh, një zyrë e gjitha në shkelje, nga drejtori te nëpunësit të gjithë në sinkron. Emetimi i lejes së legalizimit pa pasur në dosje dokumentacion të plotë është në kundërshtim me ligjin”, tha ndër të tjera Manja.
