Mbledhja e Komisionit Hetimor Parlamentar për Inceneratorët është shoqëruar me debate. Pas akuzave, Kryebashkiakja e Durrësit Emirjana Sako ka braktisur mbledhjen.
Drejtuesja e Komisionit, Jorida Tabaku, paralajmëroi ngritjen e një padie ndaj Sakos, për refuzimin e saj në dhënien e dëshmisë.
Debatet:
Emirjana Sako: Arroganca e injoranca janë në kushte ekstreme, unë s’kam më punë në këtë komision se ke dalë tërësisht e këtu s’ka asnjë komnukim etik, zoti Dako është ish kryetar Bashkie nëse do mund ta thërrisni të dëshmojë jeni komplet jashtë objektit të komisonit hetimor. Në 6 mars do e merrni përgjigjen.
Ina Zhupa: Zonja Dhima, e kuptoj që të shqetësoi se ajo e pranoi këtu që ka shkelur ligjin, por kini durim.
Emirjana Sako pas deklaratës së Ina Zhupës: Jeni duke shpifur.
Në këtë moment Sako u largua nga Komisioni.
Zhupa: Uluni aty.
Jorida Tabaku: I kërkoj juristëve të paraqesin kallëzim penal për zonjën Sako që refuzon për të dëshmuar.
