Ministrja e Arsimit, Sportit, Evis Kushi ka bërë me dije sot se është nënshkruar protokoll bashkëpunimi mes universitetit të Gjirokastrës “Eqerem Çabej” dhe univesrsitetit të Janinës, i cili sipas saj, do nxisë modernizimin e programeve universitare.
Postimi i Plotë:
Universiteti i Gjirokastrës në rrugën e ndërkombëtarizimit 🌍
Sot u nënshkrua Protokolli i Bashkëpunimit midis Universitetit “Eqrem Çabej” dhe Universitetit të Janinës, i cili do të nxisë modernizimin e programeve universitare, punën kërkimore shkencore, shkëmbimin e studentëve dhe pedagogëve, si dhe pjesëmarrjen në programe të përbashkëta evropiane dhe ndërkombëtare.
Besimplotë që ky bashkëpunim do të sjellë jo vetëm zhvillim akademik e universitar, por do të ketë impakt edhe në zhvillimin social, kulturor dhe ekonomik për Gjirokastrën dhe gjithë rajonin.
