Ambasadorja e Shteteve të Bashkuara të Amerikës në Tiranë, Yuri Kim me anë të një postimi në rrjetin social Facebook bën me dije se ka vizituar Memorialin e heroit kombëtar Gjergj Kastrioti Skënderbeu, në qytetin e Lezhës.
“Nder që vizitova Lezhën, qytetin e lashtë ku Gjergj Kastrioti mundi të bashkonte të gjithë popullin shqiptar në 1444 për të luftuar një forcë pushtuese që dukej shumë e fuqishme për t’u mposhtur.
Guximi dhe mençuria strategjike e Skënderbeut le të vazhdojë të na frymëzojë. Bashkimi bën fuqinë!”, shkruan ambasadorja Kim.
