Këngëtarja shqiptare me famë ndërkomëbtare, Dua lipa prej më shumë se një jave po pushon në Shqipëri, më konkretisht në bregdetin e Jugut nga ku poston thuajse çdo ditë imazhe mahnitëse të peizazhit dhe vetes.
Teksa në këtë aventurë me aromë Shqipërie e shoqërojnë prindërit, motra, vëllai dhe miq të saj, ditën e djeshme në tryezën e familjes Lipa është ulur si e ftuar speciale edhe ambasadorja e SHBA-ve në Tiranë, Yuri Kim.
Ka qenë vetë Dua që ka zbuluar prezencën e Kim në darkën familjare, teksa ka postuar një video ku dëgjohen në sfond ritmet e këngës së famshme të Nexhmie Pagarushës, “E dehur jam”.
Kryediplomatja amerikane e buzëqeshur shihet teksa shijon një koktej në një tavolinë së bashku me Duan.
