Nënsekretari për çështje politike në Departamentin amerikan të Shtetit, David Hale thekson se Kosova do të paguajë çmimin kryesor nëse dështon dialogu me Serbinë.
Hale ka kërkuar heqjen e taksës, ndryshe Kosova do të përballet me qëndrimin e ashpër të Shteteve të Bashkuara të Amerikës.
Ky është mesazhi që Hale iu ka adresuar liderëve kosovarë pas një takimi prej 2 orësh në rezidencën amerikane në Prishtinë.
Për të njëjtën temë, ditën e hënë do të zbarkojnë në Kosovë edhe dy këshilltarët e kancelares gjermane Angela Merkel, të cilët pritet të rrisin presionin mbi qeverinë e Haradinajt për të hequr taksën dhe vijuar dialogun me Beogradin./real-news.tv/
