Britania e Madhe, Australia, Kina, Malajzia dhe Singapori kanë ndaluar fluturimin e “Boeing 737 MAX” mbi hapësirat e tyre ajrore.
Autoriteti Britanik i Aviacionit Civil tha se “masa parandaluese” do të mbetet në fuqi deri në një njoftim të mëvonshëm.
Vendimi vjen pasi më 10 mars, një aeroplan Boeing Max 8 nga Etiopia, u rrëzua vetëm 6 minuta pasi ishte nisur duke vrarë 157 persona në bord.
Ky ishte aksidenti i dytë fatal i një ”Boeing 737 MAX” në më pak se pesë muaj.
Boeing, prodhuesi më i madh i aeroplanëve në botë, tha se do të vendosë një softuer të ri në aeroplanët e tij të tipit 737 Max./real-news.tv/
