Policia ka shpallur në kërkim ditën e sotme djalin e tregtarit të vrarë në qytetin e Durrësit, Agim Arapi. Mësohet se në kërkim është shpallur Dervis Arapi, 33 vjeç, i cili prej vitesh banon në Itali.
Policia ka shpallur një kërkesë ndaj Arapit, të cilin dëshiron ta marrë në pyetje lidhur me ekzekutimin e Jurgen Kurtit mbrëmjen e së hënës. Ndërkohë, nëna e Dervisit, Vjollca Arapi ka deklaruar se djali i saj nuk ka asnjë lidhje me vrasjen e Kurtit në zonën e ish bllokut.
Ajo është shprehur se ndaj Jurgen Kurtit ka kërkuar vetëm drejtësi me burgim, por asnjëherë vrasjen e tij.
Kujtojmë që 26-vjeçari, Jurgen Kurti u vra poshtë banesës së tij në mbrëmjen e datës 18 mars pranë Sheshit ‘Wilson’./real-news.tv
