Ministrja e Drejtësisë, Etilda Gjonaj përmes një deklarate për mediat i është përgjigjur akuzave të kryetares së LSI-së, Monika Kryemadhi.
Kryemadhi akuzoi ministren se katër zyrtarë të LSI-së në ministrinë e Drejtësisë janë shkarkuar nga detyra pasi Gjonaj iu ka bërë shantazh prokurorëve.
Këto akuza, ministrja e Drejtësisë i quan sulm vulgar dhe thotë se duke sulmuar atë, po sulmohet edhe drejtësia.
Ajo i bëri thirrje prokurorisë të mos intimidohet nga sulmet. “Unë u sulmova me qëllimin për të sulmuar drejtësinë. Prokuroria të mos intimidohet nga sulmet”,- tha Gjonaj./real-news.tv/
