fbpx

Alarmante në Kosovë, në 24 orë 19 humbje jete dhe qindra raste të reja me COVID-19

Instituti Kombëtar i Shëndetësisë Publike njofton se në 24 orët e fundit 19 pacientë kanë vdekur nga koronavirusi dhe janë regjistruar 711 raste të reja me COVID-19.

Rastet e vdekjes janë nga komunat: Gjilan, Prizren, Drenas, Ferizaj, Fushë-Kosovë, Gjakovë, Klinë, Malishevë,  Pejë,  Prishtinë dhe Skenderaj.

Numri i rasteve të reja të infektimeve vjen pas testimit të 1633 mostrave.

IKSHPK njofton po ashtu se në 24 orët e fundit, 721 pacientë janë shëruar.

Që prej 13 marsit  kur u paraqitën rastet e para me COVID-19, në Kosovë janë regjistruar 33588 raste me koronavirus.

Prej tyre, 904 pacientë kanë vdekur, ndërkaq 20493 janë shëruar.